Җырдай моңлы татар теле

Индивидуальный план работы  на межаттестационный период

по повышению профессионального уровня

учителя татарского языка и литературы

МАОУ «Лицей-интернат № 84 имени Гали Акыша»

города Набережные Челны РТ

Гилфановой Фанили Мирфайзовны

на 2015-2020 годы

Методическая тема:

«Повышение творческих и индивидуальных способностей учащихся на уроках татарского языка и литературы в условиях перехода на ФГОС».

Цель: воспитание всесторонне развитой современной личности, приобщение учащихся к национальным культурным ценностям и традициям.

... Алга таба укырга

         2015 нче елның 13 нче сентябрендә лицей-интернатта спикер сайлаулары узды. Анда барлык укучылар да, укытучылар да катнашты. Кандидатлар 3 иде. 198 тавыш җыеп, 10 А сыйныфы укучысы Камалова Айсылу җиңү яулады. Котлыйбыз!

     Айсылу инде узган уку елында да бу постта эшләгән иде. Ул, үз командасын туплап, инде спикер вазифаларына кереште. Алар үзләренең кызыклы проект, программаларын тәкъдим иттеләр. Аларга уңышлар телик!

12 февраль көнне Казанның 110 нчы лицеенда укучыларның Фатих Кәрим исемендәге беренче фәнни-гамәли конференциясе оештырылды. Конференциядә ТР фән һәм мәгариф хезмәткәрләре, танылган әдипләр, фән эшлеклеләре; Т.Н.Галиуллин, Р.М.Харис, Р.С.Вәлиев, Р.М.Миңнуллиннар  катнашты. Конференциянең иң хөрмәтле кунагы, әлбәттә, Фатих Кәримнең кызы Ләйлә Фатиховна Кәримова иде. Ул әтисе турында истәлекләре белән уртаклашты. Шулай ук  әтисенең тормышы һәм иҗаты белән кызыксынган, төрле темаларга фәнни эшләр башкарган укучыларга, аларның җитәкчеләренә чиксез рәхмәтләрен белдерде. Бу очрашу безнең күңелләрдә истәлекле вакыйга булып калды. 

Конференциядә катнашу өчен  республика буенча 400 ләп эш җибәрелгән. Шулардан 65 укучының эшләре мәртәбәле жюри тарафыннан сайлап алынган һәм алар 12 февраль көнне чыгыш ясадылар. Бу укучылар арасында 84 нче лицей-интернатның 9в сыйныфы укучысы Ханова Лилия дә бул ... Алга таба укырга

Татар теле һәм әдәбиятыннан шәһәркүләм олимпиадалар төгәлләнде. Безнең лицей-интернат укучыларының нәтиҗәләре түбәндәгечә:

татар теле: Хәкимуллина Камилә (7 сыйныф) - 2 урын 

Расулов Тимур (8 сыйныф) - 2 урын 

Садыкова Алсу (9 сыйныф) - 1 урын 

Мөхәмәтнәбиева Гүзәл (10 сыйныф) - 7 урын

Солтангалиева Миләүшә (11 сыйныф) - 2 урын

татар әдәбияты: Борһанова Ләйсән (7 сыйныф) - 7 урын

Дустбобоева Фирүзә (8 сыйныф) - 1 урын 

Шәехова Эльвина (9 сыйныф) - 5 урын

Ханова Лилия (9сыйныф) - 8 урын

Хаматова Миләүшә (10 сыйныф) - 2 урын 

Салахова Ландыш (11 сыйныф) - 4 урын.

Җиңүчеләрне, призерларны котлыйбыз! Алга таба да уңышлар телибез!

Гали Акыш исемендәге 84 лицей-интернатта 11 декабрь көнне шәһәребезнең күренекле язучылары Фәүзия Бәйрәмова һәм Айдар Хәлим белән очрашу булды. Бу чара укучылар һәм укытучылар өчен бик кызыклы, тирән эчтәлекле узды. Мөхтәрәм язучыларыбыз укучыларга үзләренең иҗади эшчәнлекләре турында сөйләделәр, аларны кызыксындырган сорауларга җаваплар бирделәр. Очрашуның беренче өлеше мәҗлесләр залында оештырылса, икенче өлеше татар теле һәм әдәбияты кабинетларында укучыларга дәрес формасында узды. Язучылар белән якыннан аралашу, туган телгә, аның тарихына кагылышлы әңгәмә, бай мәгълүмат укучылар хәтерендә бер күңелле мизгел булып калгандыр. Укучылар һәм укытучылар коллективы Фәүзия апага һәм Айдар абыйга киләчәктә дә иҗади уңышлар, ныклы сәламәтлек, яңа очрашулар теләп калдылар.

Гали Акыш исемендәге 84 лицей-интернатта 2014 елның 5 декабрендә "Яшьләр фәнни эзләнүдә" региональ фәнни-гамәли конференция булып узды. Анда шәһәр һәм якын-тирә районнардан барлыгы 95 укучы катнашты. Татар филологиясенең татар теле һәм әдәбияты секцияләрендә 20 укучы чыгыш ясады. Безнең лицей-интернатның 9в сыйныфы укучысы Ханова Лилия "Авылым эзләре буйлап" дип аталган эзләнү-тикшеренү эше белән җиңү яулады. Ул бу хезмәтендә туган авылы Тукай районы Югары Суыксу авылының килеп чыгышы, үткәне һәм бүгенгесе, күренекле шәхесләре турында бай мәгълүмат туплаган иде. Чыгыш ясау осталыгы белән дә ул башкалардан аерылып торды. Алга таба да уңышлар аңа.

15 нче апрель көнне Яр Чаллы шәһәрендә инде берничә ел рәттән уздырылып килүче "Ел укучысы" бәйгесе булды. Анда 6-8 нче сыйныфлар арасында безнең 84 нче лицей-интернатның 8в сыйныфы укучысы Садыкова Алсу катнашты һәм 3 нче урынга лаек булды. Бәйге зур әзерлек таләп итте. Катнашучылар сыйныфташлары белән визитка әзерләделәр, талантларын күрсәттеләр. Ә инде интеллектуаль бәйге өлешендә төрле өлкәдә үзләренең белемнәрен сынадылар. Шушы сынауларны безнең Алсу уңышлы узды һәм, алда әйтелгәнчә, призлы урын яулады. Әфәрин, Алсу! Киләчәк тормышыңда да сиңа зур уңышлар юлдаш булсын!