Җырдай моңлы татар теле

15 нче апрель көнне Яр Чаллы шәһәрендә инде берничә ел рәттән уздырылып килүче "Ел укучысы" бәйгесе булды. Анда 6-8 нче сыйныфлар арасында безнең 84 нче лицей-интернатның 8в сыйныфы укучысы Садыкова Алсу катнашты һәм 3 нче урынга лаек булды. Бәйге зур әзерлек таләп итте. Катнашучылар сыйныфташлары белән визитка әзерләделәр, талантларын күрсәттеләр. Ә инде интеллектуаль бәйге өлешендә төрле өлкәдә үзләренең белемнәрен сынадылар. Шушы сынауларны безнең Алсу уңышлы узды һәм, алда әйтелгәнчә, призлы урын яулады. Әфәрин, Алсу! Киләчәк тормышыңда да сиңа зур уңышлар юлдаш булсын!