Җырдай моңлы татар теле

     Яр Чаллы шәһәрендә инде менә берничә ел "Сәләт-Чаллы" яшьләр оешмасы һәм "Яшүсмер" яшүсмерләр һәм яшьләр клублары үзәге тарафыннан "Кол Шәриф оныклары" бәйгесе оештырыла. Бу бәйгедә безнең Гали Акыш исемендәге  84 нче лицей-интернат укучылары даими катнашып килә. Узган уку елында лицей-интернатның 6 сыйныф укучысы Сәхәбиев Раил беренче урынны алган иде. Бу уку елында бәйгенең финалы 15 май көнне булып узды. Безнең лицей-интернатның 7 сыйныф укучылары Закиров Алмаз, Сәхәбиев Раил, Якупов Таңнур һәм Мансуров Радик бәйгедә җиңү яуладылар. Аларга "Сәләт-Чаллы-2013" җәйге аланына юллама тапшырылды. Егетләргә киләчәктә дә уңышлар, яңа җиңүләр телибез!