Җырдай моңлы татар теле

Сары яфраклары белән,

Баллы алмалары белән,

Мәктәп кыңгыравы белән

Алтын көз килеп җитте.

Күпме эшләр эшләде:

Агачларны бизәде,

Аларның төпләренә

Хәтта гөмбәләр тезде.

Куакларга – җимешләр,

Бакчаларга – яшелчә

Кем алып килде безгә?

Ул, әлбәттә, көз генә!

Җылы якка кем озатты

Без яраткан кошларны?

Кем арыш-бодай җыйды?

Кем сары келәм итеп,

Безгә яфраклар койды?

Ә кем тәрәзәләрне җылы яңгыры белән

Шундый да чиста итеп

Юып куйган? – Ялт иткән!

Кем икәнен һәммәбез

Без бик яхшы беләбез.

Ничек инде белмәскә? –

Ул бит тырыш Көзбикә!

Алсу Садыкова, 7 в сыйныфы укучысы